PUISI | JATIMSATUNEWS.COM:
Dening: Y.P.B Wiratmoko
Sumelehing rasa njalari ati wening.
Urip dadi tentrem tanpa tandhing.
Jiwa tinuntun lamat swara dumeling.
Asung pepeling ngeblak tanpa aling.
Sumelehing rasa ndudut ati putih.
Ngrembaka ing sih kinarya pepulih
Sumelehing rasa nuntun nering kalbu
Nyawiji laku saben wektu
Kang ginelung amung urip rahayu.
Caket nugraha adoh ing panyendhu.
Sumelehing rasa mbuang ati wengis.
Laku utama ingkang denmemanis.
/ Punthuk Terong, Mangkujayan Kidul, Widodaren Gerih, Ngawi / 18 Februari 2022
Komentar Pembaca
Kolom komentar untuk artikel ini sudah ditutup.